Talaba-qizlarning axloqiy-estetik madaniyatini, ijtimoiy-siyosiy faolligini oshirish, ularni kasb-hunarga yo‘naltirish va bo‘sh vaqtlarini mazmunli tashkil etish. Talaba-qizlar turar joylaridagi xotin-qizlar o‘rtasida ma’naviy-axloqiy, tarbiyaviy ishlarni tashkil etish hamda to‘garak-klub faoliyatini rag‘batlantirish. Faol xotin-qizlar (pedagog-xodimlar), talaba-qizlar va xotin-qiz xodimlar o‘rtasida muammolarni aniqlash, yordamga muhtoj xotin-qizlar, nogironligi bo‘lgan ayollar uchun manzilli ro‘yxatlarni tuzish va ijtimoiy-huquqiy, psixologik, moddiy yordam ko‘rsatish.
Xotin-qizlarga nisbatan tazyiq va zo‘ravonlik holatlarini aniqlash bo‘yicha so‘rovnomalar o‘tkazish, natijalarni tahlil qilish.
Talaba-qizlarda siyosiy madaniyat asoslarini shakllantirish, siyosiy ongni oshirish, davlat ramzlariga hurmatni kuchaytirish.
Amalga oshirish usullari
“Qizlarjon”, “Lider qizlar” kabi klublar tashkil etilib, talaba-qizlarning bo‘sh vaqtini mazmunli o‘tkazish, ijtimoiy-faol bo‘lishi uchun platforma yaratilgan.
Talaba-qizlarning turar joyidagi shart-sharoitlari ko‘zdan kechiriladi, ijarada yashovchi talaba-qizlar bilan intervyu, nazorat ishlari olib boriladi.
Fakultet va kafedralarda xotin-qizlar kengashlari, dekan maslahatchilari orqali ichki tizimlarni yo‘lga qo‘yish
Ayollar huquq va manfaatlarini himoya qilish
Xotin-qizlarning mehnat, ta’lim, sog‘liqni saqlash, mulk va siyosiy ishtirok huquqlarini ta’minlashga ko‘maklashadi.
Zo‘ravonlikka uchragan ayollarga huquqiy va psixologik yordam ko‘rsatish tizimini yo‘lga qo‘yadi.
Oilani mustahkamlash va ma’naviy-axloqiy tarbiya
Mustahkam oila, sog‘lom turmush tarzi va milliy qadriyatlarni targ‘ib qiladi.
Yoshlarni oilaviy hayotga tayyorlash, onalik va bolalikni himoya qilish masalalariga e’tibor qaratadi.
Ijtimoiy-siyosiy faollikni oshirish
Ayollarning davlat va jamoat boshqaruvida faol ishtirok etishini ta’minlaydi.
Mahalliy va respublika darajasida ayollar yetakchiligini rivojlantirish bo‘yicha treninglar o‘tkazadi.
Madaniy-ma’rifiy ishlar
Xotin-qizlar o‘rtasida kitobxonlik, san’at, sport va milliy bayramlarga bag‘ishlangan tadbirlarni tashkil etadi.
Ijtimoiy tarmoqlarda ayollar obrazini ijobiy tarzda targ‘ib qiladi.
Mahalliy darajadagi faoliyat
Mahalla, ta’lim muassasalarida xotin-qizlar qo‘mitalari orqali joylardagi muammolarni hal etishga ko‘maklashadi.
Nogironligi bo‘lgan yoki ijtimoiy himoyaga muhtoj ayollarga yordam beradi.
Termiz davlat universiteti muhitida gender tenglikni ta’minlashning asosiy yo‘nalishlari va amaliy jihatlari Ta’lim va ilmiy faoliyatda teng imkoniyatlar Qizlar va o‘g‘il bolalarga bir xil sifatli ta’lim olish imkoniyatlari ta’minlangan.
Qizlarni IT muxandislik, texnika, tabiiy va aniq fanlar kabi an’anaviy “erkaklar sohasi” sifatida qaralgan yo‘nalishlarga rag‘batlantirib boriladi.
Ayol ilmiy xodimlar, professor-o‘qituvchilarning karyera o‘sishini qo‘llab-quvvatlash, ilmiy loyihalarda ularning ishtirokini kengaytirish uchun “Ilmli ayol – jamiyat ko‘zgusi”, “Innowoomenwiik” davra suhbatlario‘tkazib boriladi.
Gender tenglik siyosati va boshqaruv tizimi
Har qanday gender diskriminatsiyasi, kamsitish, zo‘ravonlik yoki tazyiq holatlarining oldini olish uchun maxsus tartiblar (ishonch qutilari, “ishonch telefoni”) mavjud.
Talaba-qizlar va xodimlarning murojaatlarini o‘rganish, muammolarini aniqlash va ularni qonunchilik doirasida hal etishga ko‘maklashish mexanizmlari yo‘lga qo‘yilgan.
Ma’naviy-ma’rifiy va tarbiyaviy ishlar
“Gender tenglik madaniyati”ni shakllantirishga qaratilgan seminar, trening, davra suhbatlari o‘tkaziladi.
Xotin-qizlar kengashi, yoshlar ittifoqi va psixologik markazlar bilan hamkorlikda ayollar va erkaklar o‘rtasidagi o‘zaro hurmat, hamkorlikni targ‘ib qiluvchi tadbirlar tashkil etiladi
Zo‘ravonlik va tazyiqqa qarshi chora-tadbirlar
Talaba-qizlar va ayol xodimlar uchun ishonchli murojaat tizimi yo‘lga qo‘yiladi.
Universitet psixologi, yuridik maslahat markazi va xotin-qizlar kengashi orqali psixologik va huquqiy yordam ko‘rsatiladi.
“Ayollarga nisbatan zo‘ravonlikka barham berish” bo‘yicha profilaktik o‘quvlar va kampaniyalar o‘tkaziladi.
Termiz davlat universiteti xotin-qizlar masalalari kengash raisi Uzakova Nodira
Termiz davlat universitetida faoliyat yurituvchi jami Xotin-qizlar soni 516 nafar, shundan professor-o‘qituvchilar soni 234 nafar, ilmiy darajali va ilmiy unvonli xotin-qiz professor o‘qituvchilar soni 98 nafar, eksplutatsiya-xo‘jalik xodimlar soni 180 nafar, texnik va iqtisodchi xodimlar soni 102 nafarni tashkil etadi.
Termiz davlat universitetida jami 5578 nafar talaba-qizlar tahsil oladi, shundan talabalar turar joyida istiqomat qiladigan talaba-qizlar soni 2218 nafar, ijarada yashovchi talaba qizlar soni 1025 nafar, yaqin qarindoshlarnikida turuvchi talaba qizlar soni 258 nafar, o‘z uyidan qatnaydigan talaba qizlar soni 1438 nafar, xorijlik talaba qizlar soni 6 nafardan iborat. Nogiron talaba qizlar soni 117 nafar, to‘lov shartnoma asosida o‘quvchi nogiron talaba qizlar soni 13 nafar, chin etim qizlar soni 18 nafar, ijtimoiy himoyaga muhtoj qizlar soni 111 nafar, oilali talaba-qizlar soni 639 nafar, 141 nafar magistrantlar, nomdor stependiantlar soni 9 nafarni tashkil etadi. Termiz davlat universitetida faoliyat yurituvchi raxbar xotin-qizlar soni 26 nafardan iborat. Universitetda 11 ta fakultet bo‘lib, 11 nafar dekan maslahatchisi faoliyat olib boradi. Ularga 1 shtat birligida ishlab turgan lavozimiga nisbatan 25-30% ustama maosh belgilangan.
Xotin-qizlar maslahat kengashi qoshida faoliyat yuritadigan “Qizlarjon” va “Lider qizlar” klublari tomonidan tuzilgan grafikka muvofiq ma’naviy-ma’rifiy tadbirlar o‘tkazilib kelinmoqda.
